Për 8 orë edhe këtë të shtunë studentët protestuan përpara ministrisë së Arsimit. Ata refuzuan takimin me ministren e Arsimit, Lindita Nikolla të cilës io bënë të qartë se nuk tërhiqen derisa të shohin kërkesat e tyre të plotësuara. Protesta vijoi deri në orën 17:00 duke u mbyllur me fjalët: “Nuk ka kompromis”.
Ndryshe nga herët e tjera, ata kanë ndenjur edhe 30 minuta më shumë. Të rinjtë thanë se tubimi do të vazhdojë edhe të shtunën sërish në orën 10:00, para godinës së Ministrisë së Arsimit. Në momentin e largimit studentët, ashtu si dhe ditët e tjera kanë mbledhur edhe plehrat e lënë pas, duke shpërndarë në këtë mënyrë një mesazh qytetarie.
Studentët ndezën qirinj dhe u zotuan se do të kthehen nesër deri për të vazhduar qëllimin e tyre.
