Ka shkuar në 10 numri i viktimave të shkaktuara nga stuhia ‘Gloria’ mbi Spanjën lindore. Mediat spanjolle bëjnë me dije se autoritetet i kanë bërë thirrje qytetarëve që të mos dalin nga shtëpitë, teksa raportohet se deri më tani rezultojnë 4 persona të zhdukur. Stuhia ‘Gloria’ solli reshje të mëdha shiu deri në 150 mm shi mbi Barcelonë dhe Valencia si dhe reshje dëbore në Granada dhe Albacete.
Bora ka bllokuar qytetet Granada dhe Albacete ku dhjetëra mijëra njerëz kanë mbetur pa energji elektrike. Raportohet se pasditen e sotme stuhia e ka ulur fuqinë e saj, duke u zhvendosur në Pirrenejt Franceze dhe në Jug të Francës.
