Ditët e fundit të muajt korrik duket se do të sjellin surpriza në Shqipëri për sa i takon motit, ndryshe nga disa vende të Evropës, të cilët po vuajnë valën e të nxehtit afrikan.
Vendi do të përfshihet nga një tjetër valë i të nxehtit me temperatura deri në 40 gradë. Por nga ana tjetër priten edhe reshje shiu. Përkatësisht e mërkura dhe e enjtja do të sjellin vlera të larta të temperaturave.
Meteorologe: “Parashikohet që sot edhe nesër të jenë ditët më të nxehta të kësaj vale. Sot parashikoj që temperaturat të shkonin 38 gradë në pjesën më të madhe të zonave të ultëa dhe 39 gradë në Elbasan, Gjirokastër dhe Kuçovë. Parashikohet që nesër të kemi një rritje të lehtë në të dy vlerat, si në minimale ashtu edhe maksimale, duke bërë që nesër të vlerën 40 gradë në disa zona të caktuara.” Në fundjavë, temperaturat do të ulen, për të pritur edhe reshjet e shiut ditën e hënë.
Meteorologe: “Temperaturat do kenë rënie që nga e premtja. Megjithatë më e ndjeshme pritet që të jetë fundjava dhe kryesisht dita e dielë ku zbresim në vlerat normale 33 dhe jo më shumë se 34 gradë. Parashikohet që të premten dhe të shtunën të ketë reshje kryesisht në zonat verilindore dhe juglindore qe do jenë në orët e pasdites dhe kryesisht rrebeshe. Dita e dielë gjatë natës duke u gdhirë dita e hënë pritet që territori të ketë rrebeshe në zona të caktuara. Meteorologët e krahasojnë verën e këtij viti të njëjtë me atë të dy viteve më parë.
