Një 35-vjeçare është arrestuar mbrëmjen e djeshme në kryeqytet.
Bëhet me dije se arrestimi i saj ka ardhur pasi ka goditur një punonjës të policisë rrugore. Fillimisht shoferja është ndaluar nga një efektiv i policisë rrugore pasi ishte e dehur në timon dhe kishte përplasur një tjetër automjet të drejtuar nga një grua.
Por nuk ka mjaftuar me kaq.
Pasi e ka ndaluar polici, në vend që të bindej dhe të kryente të gjitha veprimet proceduriale, 35-vjeçarja ka reaguar keq ndaj efektivit të policisë duke e goditur atë.
Tashmë, 35-vjeçarja duhet të japë llogari për veprat penale “Drejtimi i automjeteve në mënyrë të parregullt” dhe “Goditje për shkak të detyrës”./ Gazeta Shqip
