Deputeti i PD-së, Enkelejd Alibeja përmes një deklarate për shtyp i është rikthyer çështjes “Babale” duke pyetur publikisht kryeministrit Edi Rama dhe ministrit të Brendshëm Fatmir Xhafaj, për pakon që ka marrë Fredi Alizoti.
Sipas Alibeaj aktori i sajuar nga ministri Fatmir Xhafaj është paguar për të mbrojtur të vëllanë, Fatmir Xhafaj.
“Partia Demokratike ka zbuluar se hetimet nuk janë bërë nga prokuroria. Sot do zbulojmë dokumente që provojnë që Fredi Alizoti aktori i Ramës është një sajesë e Fatmir Xhafaj. Fredi Alizoti është kapur duke bërë mhb që ka takuar Taulantin nga Librazhdi i ka thënë hap gojën sa do . më vonë atë e merr në celular, drejtori i policisë dhe e takon në QTU në Fier.
Më 7 qershor 2018 aktori i vetëshpallur nga Rama telefohet sërisht nga drejtori i policisë në Fier. Partia Demokratike pyet sot Edi Ramën, Fatmir Xhafën se çfarë pako ka marë Fredi Alizoti.
Pse e ka telefonuar përsëri më 7 tetor 2018 shefi i madh i drejtorit të policisë. Edi Rama nuk i fshihet më fakteve që kanë kapur një dëshmitar për të mbrojtur një trafikant droge. Fatmir Xhafaj është i vetmi që përdor drejtuesit e policisë së shtetit për të shpëtuar vëllain dhe për të manipuluar prova. Ky krim është shumë i rëndë dhe do ndëshkohej rëndë nëse celula kriminale në Prokuroirnë e Krimeve të Rënda do ta bëntë detyrën e saj. Edi Rama dhe Fatmir Xhafaj mund të ndjehen të sigurtë përkohësisht. Sepse sot askush nuk i dënon por fundi i tyre është i afërt”, u shpreh ai.
