Gjykata e Tiranës ka dhënë sot dënimin për shtetasit Faik dhe Shkëlzen Buci, të akuzuar për vrasjen e Eglantina Bucit.
Gjykata ka dhënë në total 50 vite burg për babë e bir, për ngjarjen e rëndë të ndodhur 8 vite më parë. Gjykata ka pranuar kërkesën e prokurorisë dhe mësohet se Faik Buci është dënuar me 25 vite burg për vrasjen e vajzës së tij ndërsa Shkëlzen Buci edhe ai me 25 vite burg për vrasjen e motrës.
Ngjarja do të qëndronte e “heshtur” deri para pak kohësh teksa do të mësohej se Eglantina ishte vrarë nga babai dhe vëllai i saj.
VRASJA E EGLANTINA BUCIT
Eglantina Buci ishte larguar nga shtëpia dhe babai bashkë me të vëllain Shkëlzen Buci e konsideruan këtë një ç’nderim të familjes. Tek ‘’Fresku’’ në Tiranë Shkëlzen Buci kishte lënë takimin me të motrën, ku në kërcënimin e armës e mori në makinë dhe më pas e vrau me plumb në kokë. Bashkë me të atin e morën dhe e groposën tek ‘’Mali me Gropa’’.
Një muaj pas groposojes, kafshët e egra e kishin zbuluar trupin e pajetë derisa një ditë një gjahtar gjeti eshtrat dhe njoftoi Policinë.Eglantina Buci ishte deklaruar e humbur, teksa kallëzimin e kishte bërë e ëma. Por Policia mori në pyetje të atin i cili deklaroi se ishte prositutë në Itali, pra ishte viktimë e trafikut të prostitucionit.
Policia ngriti dyshime kur familjarët nuk bënin asnjë kërkim apo tentativë për ta gjetur. Derisa në 2017 Shkëlzen Buçi ra në prangat e Policisë pas atentatit ndaj Mishel Prelës. Në pranga për këtë krim ra edhe Miklar Tola i cili bashkëpunoi me drejtësinë dhe rrëfeu për uniformat blu edhe vrasjen e Eglantinës, që sipas tij Shkëlzeni e vrau në sy të tij.
