Të infektuarit me Delta në Shqipëri, Bino: Të vaksinuar me Pfizer, AstraZeneca dhe Coronvac!

Shefja e Departamentit të sëmundjeve Infektive, Silva Bino tha se 6 rastet me Delta janë të vaksinuar.

“Janë 6 raste të vaksinuar, 2 raste kanë lidhje me udhëtimin në Angli. Kanë qënë të vaksinuar në AstraZeneca në prill. Dy të tjerë kanë qenë të vaksinuar në Gjermani me Pfizer, dhe 2 të tjerët kanë qenë me Coronavac” tha Bino.

Për Komitetin e Ekspertëve në Shqipëri nuk pritet të vendoset për vaksinim të detyrueshëm të të rinjve.

Duke iu përgjigjur interesit të gazetarëve në mbledhjen e parë pas konfirmimit të variantit Delta në Shqipëri, zv/ministrja Mira Rakacolli u shpreh se nga ditët e vaksinimit masiv, është vënë re një sensibilizim i lartë mes të rinjve që kanë marrë dozën e parë të vaksinës.

“Sensibilizimi për efektin e vaksinimit nuk është vetëm i ministrisë, por i të gjithë shoqërisë.

Të dhënat që ne kemi, në vaksinimin e hapur, numri i të rinjve është i mirë. E kanë kulturën shëndetësore, të vaksinimit. Nuk besoj do shtrohet problemi i vaksinimit të detyruar. Sepse të rinjtë e dinë që duhet të bëjnë vaksinën.” u shpreh Rakacolli.

Nga ana e saj, drejtoresha e ISHP, Albana Fico, apeloi të rinjtë të vaksinohen duke përfituar nga ditët e vaksinimit masiv.