Përditshmëria të detyron të përballesh me situata nga më të çuditshmet. Një ngjarje e rrallë ishte edhe kjo për këtë teknik telefonash, i cili mori pagesë ekstra vetëm për të mos e rregulluar aparatin celular. 28-vjeçari, Oli Pickles pohon se një zotëri dërgoi në dyqanin e tij një aparat celular me ekran të thyer.
Celulari i takonte gruas së tij dhe bashkë me të i dha teknikut 40 paund, si dhe një shënim brenda aparatit. Më letër shkruhej që të mos merrej fare për ta rregulluar, por të telefononte gruan e tij dhe t’i zbulonte se nuk mund ta rregullonte.
“Vëlla, mbaji paratë dhe telefonin. Thjesht telefonini gruan time dhe thuaji asaj se nuk mund ta rregullosh atë,” shkruhej në letër.E në fakt, Pickles e përmbushi kërkesën e burrit, me gruan e këtij të fundit që e falenderoi, duke i dhënë leje që ta hedh në koshin e plehrave.
