Reshje të dendura dëbore kanë përfshirë shumicën e zonave malore në vendin tonë. Dëbora ka përfshirë Tropojën, Kukësin, disa zona të Shkodrës, Pukën, Dibrën etj.
Gjatë mëngjesit të sotëm reshjet e dëborës kanë zbritur edhe në qytetin e Burrelit.
Vendi ynë sot do të mbizotërohet nga vranësira të cilat do të sjellin reshje në të gjithë territorin. Në zonat malore reshjet do jenë në formën e borës.Sipas Meteoalb, sot temperaturat do të pësojnë rënie të ndjeshme ku do të variojnë: në zonat malore, nga -2°C në 03°C, në zonat e ulëta nga 04°C në 10°C dhe në zonat bregdetare nga 09°C në 13°C. /abcnews
