Qytetarët e Kraljevës në Serbi janë acaruar sot pasi konstatuan në aplikacionin “Google Maps” këtë pasdite se stadiumi është shënuar në shqip me emrin “Gjergj Kastriot Skënderbeu”. Ky akt ka zemëruar shumë serbët në rrjetet sociale , të cilët kanë komentuar lidhur me këtë ngjarje, sepse Stadiumi Athletik pranë Ibrit në qendër të qytetit mban emrin e legjendës shqiptare që mposhti ushtrinë osmane.
Gazeta “Blic” ka publikuar edhe disa nga komentet e bëra nga serbët në rrjetet sociale, duke treguar edhe si është përjetuar ndryshimi i emrit të stadiumit.
“Pavarësisht se ishte një sulm hakeri apo një provokim, kushdo që e bëri këtë tregoi injorancë të madhe”, “Reagoni ndaj Google, vëlla!”, “Ata morën një urdhër nga Thaçi”, “Skenderbeg është një serb i racës së pastër”, “Hakerat e Shiptar janë të palodhur ndërsa ne jemi dembelë”, janë vetëm disa nga mesazhet e qytetarëve të Kraljevës që janë shfaqur në rrjetet sociale.
