/ATSH/ Në Thumanë dhe Durrës ka nisur montimi i mbi 200 çadrave të para për strehimin e familjeve.
Efektivët e Forcave të Armatosura kanë nisur montimin e çadrave që do të shërbejnë, jo vetëm për banorët, shtëpitë e të cilëve janë prekur nga tërmeti dhe janë në rrezik për banim, apo edhe krejt të pabanueshme, por edhe për ata të cilët nga frika e tërmeteve, nuk mund të qëndrojnë në shtëpitë e tyre.
Durrësi dhe Thumana janë dy zonat më të prekura nga tërmeti i mëngjesit të sotëm, që tronditi vendin duke shkaktuar 13 viktima dhe mbi 600 të plagosur. Ekipet e shpëtimit po mundohen të nxjerrin nga rrënojat e godinave të shembura banorët e bllokuar.
