Foto ilustruese
Një tjetër aksident duke punuar në ndërtim ka ndodhur në fshatin Trojas të Belshit, ku një person ka mbetur i plagosur. Ai është M.N dhe po punonte në një banesë ku është aksidentuar si pasojë e pasigurisë në punë, fatmirësisht është jashtë rreziku për jetën.
Në lidhje me këtë ngjarje policia e shtetit ka shpallur në kërkim administratorin e firmës E.B 49-vjeç si dhe 43-vjeçarin P.N zbatues të projekti. Të dy akuzohen për veprën penale “Shkelja e rregullave të mbrojtjes në punë”, dhe po punohet për kapjen e tyre.
Kujtojmë se më 16 gusht dy punëtor ndërtimi humbën jetën ndërsa tre të tjerë mbetën të plagosur për shkak të shembjes së skela Syla në një pallat në kryeqytet. Në lidhje me këtë ngjarje policia ka vënë në pranga 2 drejtues teknik të kompanive që po punonin në fasadën e pallatit 13 katësh. Po ashtu policia ka shpallur në kërkim pronarin, njëkohësisht adminitratorin e kompanisë së skelave ‘Syla’,Petrit Syla. Nën hetim për këtë ngjarjes janë vendosur edhe punonjësit e Inspektoriatit të Punës Tiranë.
