Michael Jackson ka humbur edhe mbështetjen e fansave të tij më të zjarrtë pas transmetimit të dokumentarit shokues, “Leaving Neverland”.
Dokumentari u transmetua për herë të parë mbrëmjen e së mërkurës në Britaninë e Madhe.
Rrëfimet e burrave, që pretendojnë të jenë përdhunuar nga Mbreti i Popit kur ishin të vegjël, kanë përhapur një “valë” të madhe neverie në publik.
Si duket dokumentari i ka bindur edhe fansat më besnikë të këngëtarit, të cilët e kanë pranuar se në fillim mendonin se Wade Robson dhe James Safechuck ishin thjesht dy gënjeshtarë.
Të dy Robson dhe Safechuck prej kohësh kanë deklaruar se legjenda e popit i ka përdhunuar kur ishin fëmijë.
Një përdorues shkruante:
Kam qenë gjithmonë një fans i çmendur i Michael Jackson, por pas kësaj që pashë nuk mundem më. Ndihem kaq bosh pas atyre që pashë. Është kaq e vështirë të shohësh dhe të dëgjosh gjera të tilla.”
