Policia e Kurbinit ka vënë në pranga shtetasin me inicialet Xh. P. 39-vjeç, pasi nga konstatimi i bërë nga forcat blu, ai u kap duke transportuar lëndë drusore të prera në mënyrë të paligjshme. 39 vjeçari u ndalua në kadër të operacionit për zbatimin e masave për parandalimin dhe goditjen e krimeve mjedisore, nga strukturat e policisë Lezhë. Provat materiale janë dërguar në Prokurorinë e Rrethit Gjyqësor Kurbin, për hetime të mëtejshme.
Njoftimi i plot i policisë Lezhë. DVP Lezhë Vijon zbatimi i planit të masave për parandalimin dhe goditjen e krimeve mjedisore. Bllokohet nga Policia, 1 automjet që transportonte lëndë drusore të prerë në mënyrë të paligjshme. Procedohet penalisht drejtuesi i mjetit që po transportonte lëndën drusore. Në kuadër të bashkëpunimit me strukturat e DVP Lezhë dhe në zbatim të planit të masave për parandalimin dhe goditjen e krimeve mjedisore, shërbimet e Njësisë Operacionale për Autostradën Milot-Morinë, kanë konstatuar dhe ndaluar në Milot, Kurbin, një mjet tip furgon që transportonte lëndë drusore.
Gjatë kontrollit të ushtruar, shërbimet e Policisë kanë konstatuar se drejtuesi i mjetit, shtetasi Xh. P. po transportonte lëndë drusore të prerë në mënyrë të paligjshme.
Në përfundim të veprimeve, specialistët për Hetimin dhe Parandalimin e Krimit në Komisariatin e Policisë Kurbin kanë proceduar penalisht shtetasin Xh. P., 39 vjeç, banues në Lezhë.
Materialet në ngarkim të tij janë referuar në Prokurorinë e Rrethit Gjyqësor Kurbin, për veprime të mëtejshme. Policia e Shtetit do të vijojë kontrollet për parandalimin dhe goditjen e krimeve mjedisore dhe në këtë kuadër kërkon bashkëpunimin e qytetarëve që të denoncojnë çdo rast të paligjshmërisë në Komisariatin Dixhital apo në numrin pa pagesë 112, duke siguruar anonimatin dhe reagim të paanshëm kundrejt shkelësve të ligjit.
