Një shpërthim i kontrolluar do të kryhet sot rreth orës 11:30, pranë tunelit të Llogarasë, në kuadër të punimeve për ndërtimin e segmentit të rrugëve lidhëse në këtë zonë.
Sipas njoftimit zyrtar nga ARRSH, shpërthimi do të realizohet rreth 1 kilometër nga dalja e tunelit, në drejtim të Palasës, me përdorimin e një sasie të vogël eksplozivi, në funksion të hapjes së trasesë së rrugës. Autoritetet bëjnë me dije se procesi është planifikuar në mënyrë të tillë që të mos pengojë trafikun.
Ndërkohë, qytetarëve dhe drejtuesve të mjeteve u kërkohet mirëkuptim deri në përfundimin e plotë të punimeve.
“Në vijim të punimeve për ndërtimin e segmentit rrugor të rrugëve lidhëse të Llogarasë, sot në orën 11:30, rreth 1km nga dalja e tunelit të Llogarasë, në drejtim të Palasës, është parashikuar të kryhet një shpërthim i kontrolluar me sasi të vogla eksplozivi, në funksion të hapjes së trasesë së rrugës, pa penguar trafikun.
Punimet janë koordinuar me Policinë e Shtetit, me qëllim menaxhimin dhe garantimin e sigurisë së qarkullimit të mjeteve gjatë këtij procesi.
Kërkojmë mirëkuptimin e qytetarëve dhe drejtuesve të mjeteve deri në përfundimin e plotë të këtij procesi pune”, thuhet në njoftimin e ARRSH.
