Tregu i këmbim valutor vendas paraqitet të premten i stabilizuar, pas forcimit të ndjeshëm të pozitave gjatë kësaj jave të monedhave kryesore në raport me lekun.

 Sipas kursit zyrtar të Bankës së Shqipërisë, euroja këmbehet me 124,40 lekë në të njëjtën vlerë sa një ditë më parë, ndërsa monedha e gjelbër amerikane, u zhvlerësua me 0,39 lekë duke  u këmbyer me 114.83 lekë. Ndryshe nga paundi britanik që u zhvlerësua me 0,30 lekë, franga zvicerane u forcua 0,19 lekë. Banka e Shqipërisë po mban në monitorim tregun valutor veçanërisht gjatë kësaj periudhe të situatës së masave ndaj COVID-19. Pa cenuar regjimin e një kursi të këmbimit të lirë, Banka e Shqipërisë mund të kryejë veprime në tregun valutor me objektiv përshtatjen e kursit të këmbimit me nivelin e përcaktuar nga faktorët bazë makroekonomikë, shmangien e çrregullimeve dhe rritjen ose uljen e rezervës valutore, duke garantuar stabilitet të këtij tregu. /r.e/