Presidenti në detyrë i ShBA-ve Donald Trump i ka bërë thirrje të gjithë mbështetësve të tij që më 6 Janar të dalin në protesta masive në mbrojtje të votës së lirë. Data 6 janar përkon dhe me datën kur pritet të bëhet dhe numërimi i votova të Kolegjit Zgjedhor gjatë një séance të përbashkët në Kongres, ku Biden do të konfirmohet si presidenti i ardhshëm i ShBA-ve.
Trump vijoi përsëritjen e thirrjes për t’u grumbulluar në datën 6 Janar në orën 11:00 në Washington. Me nxitjen e tij, mbështetësit po planifikojnë të zbresin në shesh, për të bërë presion ndaj ligjvënësve republikanë që të radhiten në krah të Trump në përpjekjen për të përmbysur fitoren elektorale të Joe Biden.
Kujtojmë se luftime me thika, përleshje dhe ngacmimet verbale të kundërshtarëve të Trump shoqëruan demonstratat e mëparshme pas fitores së Biden në zgjedhjet e nëntorit. Ndaj dhe organet ligjzbatuese federale dhe lokale janë duke marrë masat e nevojshme që situata mos të dalë jashtë kontrollit.
