Categories Lajme

Turistja nga Spanja: Më thanë mos shko në Shqipëri se është e rrezikshme! Gjeta një vend krejt ndryshe

Miti i krijuar se Shqipëria është një vend i rrezikshëm, shkrimet që edhe ajo ka bërë vete, për lidhjet e karteleve të drogës mes vendit tone dhe Ekuadorit dhe sugjerimet e miqve të saj, i ka lënë pas dhe ka vendosur ta prekë Shqipërinë nga afër.

Soraya Constante, gazetare e njohur në Spanjë, në pak ditë ka ndryshuar tërësisht mendim. Por si e shikon ajo tani Shqipërinë?

“Erdha me idenë që është një vend shumë i rrezikshëm. Jam me origjinë nga Amerika Latine dhe mafia shqiptare ta bën të mendosh këtë gjë. Miqtë më thanë të mos vij, të kem kujdes sepse nuk kthehesh më, por kur erdha këtu gjeta një vend të mrekullueshëm. Njerëz shumë mikpritës dhe qetësi. Janë lajmet tona që nisin me “Mafian shqiptare” që nuk të lejojnë të shikosh se çfarë ka në brendësi Shqipëria.”– tha Soraya Constante, gazetare “El Pais”, pyetur nga Top Channel.

Shqipërinë, gazetarja ka vendosur të vizitojë më bashkëshortin e saj. Ata thonë se janë të mrekulluar nga natyra, por kanë edhe disa kritika për shërbimet.

“Duhet të ruani më mirë monumentet. Ishim në Butrint dhe ishte shumë i veçantë, por nuk ruhej dhe shpejt do të dëmtohet sepse njerëzit ecnin mbi të. Në botë nuk lejohesh t’i afrohesh ashtu. Së dyti të krijoni më shumë mundësi mbi transportin publik sepse mu kujtua Amerika Latine. Për Europën, nuk duhet të funksionojë kështu. Dhe së treti, të paguash me kartë. Ka shumë pak vende ku ofrohet kjo pagesë dhe kjo është mangësi.”-tha Soraya Constante, gazetare “El Pais”.

“Na pëlqen shumë vendi dhe mikpritja sepse është shumë ndryshe prej ku ne vijmë por ka disa gjera që duhen ndryshuar. Transporti publik është problem i madh, infrastruktura, rrugët dhe trafiku 4-5 orë nga Tirana në Shkodër. Dhe çmimet, ishin jashtë pritshmërive. Këtu në Shkodër dhe Tiranë janë në rregull, por në Jug në disa vende ishin 80-90 euro personi, ndoshta më shtrenjtë se sa tek ne në Spanjë në kulmin e sezonit.”- tha Sergio Martín, turist spanjoll.

Përpara se të udhëtonin drejt alpeve, gazetarja nga Spanja, u njoh edhe me te kaluarën komuniste të vendit tonë përmes “Vendit të Dëshmisë dhe Kujtesës”.

“Jam befasuar shume me të kaluarën tuaj. Kam vizituar shumë muze, por ky është i jashtëzakonshëm. Sa njerëz janë vrarë dhe ekzekutuar nga komunizmi. Kur mendon Shqipërinë, ne nuk e dimë këtë pjesë të pasurisë tuaj kombëtare. Njerëzit duhet ta mësojnë se vendi juaj është i pasur me histori, art dhe kulturë dhe këtë duhet t’ia tregoni të tjerëve.”- tha Soraya Constante gazetare “El Pais”.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME