Ky është 28-vjeçari Anxhelo Tare, i cili fatkeqësisht ka ndërruar jetë mbrëmjen e djeshme në spital, disa ditë pasi u përfshi në një aksident të rëndë rrugor.
Ngjarja ndodhi pasditen e 22 prillit në autostradën Lushnjë–Fier, në vendin e njohur si “Pushimi i Shoferit”. I riu, i cili drejtonte një motoçikletë, u përplas me një automjet tip Volkswagen që drejtohej nga një 50-vjeçar.
Si pasojë e përplasjes së fortë, 28-vjeçari mbeti i plagosur rëndë dhe u transportua me urgjencë drejt spitalit të Lushnjës.
Gjendja e tij ishte kritike dhe ai ra në koma, duke luftuar për disa ditë për jetën.
Pavarësisht përpjekjeve të mjekëve, Anxhelo Tare nuk arriti t’i mbijetojë plagëve të marra dhe ndërroi jetë ditën e sotme.
VloraNEWS i shpreh ngushëllimet më të sinqerta familjes, të afërmve dhe miqve të tij.
Ndarja nga jeta e Anxhelo Tares ka “pikëlluar” edhe klubin e Flamurtarit. Këta të fundit kanë reaguar në rrjetet sociale me një mesazh ngushëllimi, duke shprehur qartë mërzinë e madhe që ka “kapluar” në kampin kuqezi.
“Sot është ditë zie për familjen kuqezi. Klubi shpreh ngushëllimet më të sinqerta për ndarjen nga jeta të ANXHELO TARE. Në këto momente të vështira, jemi pranë familjes dhe të afërmve të tij. U prehtë në paqe”, shkruan klubi vlonjat në rrjetet sociale.
