Një grua që jetonte si vegjetariane prej 10 vitesh, vendosi të bëhej kasape. Ideja i erdhi pasi mbeti shtatzënë për herë të tretë dhe filloi të hante mish sërish. Tammi Jonas, 49 vjece, u bë vegjetariane në vitet 1970 kur lexoi librin e Peter Singer “Animal Liberation” dhe u shokua nga keqtrajtimi që i bëhej kafshëve.

Për një dekadë, dieta e saj ushqimore ishte vegjetariane, por gjithcka ndryshoi kur do bëhej nënë për herë të tretë. “Unë kam qenë shtatzënë dy herë më parë, por hera e tretë ishte ndryshe pasi u bëra shumë anemike”, tha ajo për Daily Mail.

Pasi hëngri një hamburger me mish një ditë në punë, nëna e tre fëmijëve u fiksua keq. Ajo pranoi se u desh pak kohë për të filluar të hante mish derri dhe shpendë, por ndihej aq mirë sa vendosi të bëhej kasape.