Sokol Olldashi, ish-deputet dhe ish-ministër në qeverinë e PD-së, u nda nga jeta si pasojë e një aksidenti tragjik, më 20 nëntor të 2013.
20 nëntori i 2019 shënon plot gjashtë vite nga vdekja e tij dhe një prej miqve dhe bashkëpunëtorëve më të afërt të politikanit, Flamur Noka e kujton përmes një dedikimi emocionues në rrjet.
Teksa poston një foto të Olldashit, ish-deputeti demokrat shkruan: “U bënë 6 vjet pa ty Koli. Na merr malli për ty vlla”.
Olldashi është i pari deputet që denoncoi në Kuvend blerjen e votave, menjëherë pas zgjedhjeve të mbajtura në qershor 2013, por edhe lidhjeve të krimit me politikën.
