Publikohet fotoja e ish-efektivit Artjon Xhelo, i cili u gjet i djegur brenda automjetit të tij në “Qafën e Llogarasë”.
Mësohet se ish-efektivi i DVP Berat, ishte efektiv i Forcave Operacionale “Shqiponjat”. Më pas, për shkak të problemeve psikologjike u transferua në Postën e Policisë Poliçan, ku për shkak se humbi armën e shërbimit iu vendos “masë disiplinore”. Xhelo nuk dha dorëheqjen nga policia, por u përjashtua nga radhët e policisë.
Personi në foto është Artjon Xhelo, është ish-punonjësi i policisë që u vetëdogj pasditen e sotme brenda automjetit të tij.
32-vjeçari Artjol Xhelo, banues në fshatin Banaj në bashkinë Dimal, ka punuar disa vite në Drejtorinë Vendore të Policisë Berat si pjesë e Forcave Operacionale “Shqiponjat”.
Në vitin 2023, Xhelo kishte shfaqur probleme të shumta të depresionit dhe për këtë arsye DVP Berat e largoi nga Forcat Shqiponja dhe e transferoi në Postën e Policisë në Poliçan.
Aty u fol që efektivit të policisë Artjol Xhelo i humbi arma e shërbimit dhe DVP Berat i dha një masë disiplinore dhe e përjashtoi nga radhët e Policisë së Shtetit.
Sipas “News 24”, ish/efektivi i policisë Artjol Xhelo kishte probleme të theksuara të depresionit dhe psikologjike.
Xhelo u gjet i djegur brenda makinës së tij, tip BMË, rreth orës 14:35 të ditës së sotme. Ngjarja e rëndë ndodhi në vendit e quajtur “Qafa e Llogarasë” dhe trupi i pajetë u gjet i djegur në sediljen e shoferit.
Edhe pse grupi hetimor po punon për zbardhjen e plotë të rrethanave të kësaj ngjarjeje, dyshohet se 32-vjeçari Xhelo dogji veten ditën e sotme brenda makinës së tij në Llogara.
