Detaje të reja janë zbardhur në lidhje me ngjarjen e rëndë që u shënua në Karrabë të Elbasanit, ku një 32-vjeçar i dha fund jetës në mënyrë tragjike. Bëhet me dije se Armand Mici 32 vjeç i dha fund jetës duke u v etëdjegur në makinën e tij. Kanë qenë kalimtarët ata që kanë njoftuar policinë për një makinë që po digjej, ku më pas autoritetet kanë zbuluar se brenda mjetit kishte dhe një trup.
Nga kamerat e sigurisë rezulton se 32-vjeçari pak para ngjarjes kishte marrë 13 litra benzinë duke thënë se makina e tij nuk kishte karburant, ku më pas i ka vënë flakën mjetit duke qëndruar dhe vetë brenda. Familjarët e viktimës kanë treguar se prej 20 ditësh i riu kishte shfaqur shenja depresioni dhe ishte mbyllur në vetvete.
