Foto ilustruese
Denada Zota është 32-vjeçarja e cila i dha fund jetës duke u vetëhedhur nga kati i gjashtë i pallatit.
Ngjarja e rëndë ndodhi paraditen e së dielës në lagjen numër 5 në qytetin e Durrësit.E reja gjeti vdekjen e menjëhershme pasi përplasja në trotuar ishte shumë e fuqishme.
Ajo gjeti vdekjen para pallatit ku banonte me prindërit dhe vëllain e vogël 27 vjeç, ndërsa kalimtarët të alarmuar lajmëruan ambulancën.
Familjarët kanë deklaruar se kohët e fundit ajo është paraqitur në gjendje të rëndë psikologjike.E reja kishte qenë brenda në banesë në shoqërinë e tyre kur kreu aktin e rëndë dhe u hodh nga një lartësi prej 20 metrash, ndërsa këta të fundit nuk mundën ta ndalonin.
Policia ka nisur të hetojë në lidhje me zbardhjen e ngjarjes, për motive që nuk janë konfirmuar ende nëse janë aksidentale apo në rrethana vetëvrasëse.
Burime nga grupi hetimor deklaruan:
“Nga të dhënat paraprake dyshojmë se kemi të bëjmë me një vetëvrasje. Vajza në gjendje të rënduar psikologjike i ka dhënë fund jetës, duke u vetëhedhur nga ballkoni. Ajo jetonte me familjarët e saj në një apartament në katin e gjashtë të një pallati. Ajo nuk kishte lënë asnjë letër dhe nuk kishte lënë asnjë përshtypje te familjarët e tjerë për këtë veprim. Ndaj arsyen e vërtetë nuk e kemi zbuluar ende. Ndoshta ka pas ndonjë problem personal, por këtë do ta zbulojnë hetimet”.
Dyshohet se vajza vuante nga probleme psikologjike, por arsyeja e vërtetë që shtyu 32-vjeçaren të ndërmerrte aktin ekstrem ende nuk është zbuluar.
Kohët e fundit, 32-vjeçarja ishte mbyllur në vetvete, duke bërë që gjendja e saj psikologjike të rëndohej. Prindërit e Denadës, gjatë marrjes në pyetje nga Policia, kanë deklaruar se nuk ua priste mendja se situata do të arrinte deri këtu.
Mamaja e vajzës, u shpreh për gazetarin Leonidha Musaj:
“Kohët e fundit kishte shfaqur gjendje të rënduar psikologjike, por që nuk na merrte mendja se do të përfundonte duke u hedhur nga pallati. As e imagjinonim një fund të tillë për vajzën tonë”.
Familja e Denada Zotës kishte vite që ishte shpërngulur nga Dibra për të jetuar në qytetin bregdetar të Durrësit.
