Koronavirusi vijon të përhapet me ritme të shpejta, duke shkaktuar mijëra viktima në një kohë të shkurtër
Virusi i ka marrë jetën edhe regjisorit të njohur kinez, Chang Kai dhe familjes së tij. Lajmi për vdekjen e tij u publikua disa ditë më parë nga mediat kineze. Regjisori së bashku me motrën e tij dhe prindërit ishin izoluar në shtëpinë e tyre. I pari ishte prekur babai i tij, më pas e ëma dhe pastaj virusi kishte prekur edhe atë bashkë me motrën.
Ndërkohë, raportohet se bashkëshortja e regjisorit është në gjendje të rëndë, e prekur edhe ajo nga virusi. Regjisori e dërgoi babain kur u sëmur në spital por nuk kishte vende, ndaj u detyrua të kujdesej për të në shtëpi. Babai i tij ndërroi jetë në 28 janar, ditë në të cilën u infektua edhe e ëma e tij. Vetëm pak ditë më pas, në datë 2 shkurt vdiq edhe e ëma e tij.
Në atë ditë, autoritetet në Wuhan ndryshuan strategjinë për të luftuar virusin. Duke izoluar njerëzit e infektuar me virus dhe njerëzit u drejtuan në qendra karantine të ngritura pikërisht për ta. Por nuk kishte më çfarë të bëhej për regjisorin e njohur, i cili humbi jetën së bashku me familjarët e tij.
Deri më tani koronavirusi ka shkaktuar 2,130 viktima, ndërsa numri i rasteve të raportuara me koronavirus është mbi 75 mijë persona.
