Pas gjashtë ditësh, palombarët e forcave RENEA kanë ndërprere kërkimet për gjetjen e trupit të pajete të 10-vjeçarit S.Laska, i cili u mbyt të martën e javës qe lamë pas në ujërat e Lumit Fan në Mirdite.
Përgjatë gjashtë ditëve kërkimet në lumë dhe HEC-in e Repsit nuk kanë dhënë asnjë rezultat. Në terren tashmë ndodhen vetëm policia lokale FNSH, zjarrfikësit dhe banor të zonës te cilët po monitorojnë brigjet e lumit.
SI NDODHI NGJARJA
Në tentativë për të marrë topin që i kishte rënë në lum, fëmija u përpi nga rrjedha e fortë e ujit.
Ngjarja ndodhi pasditen e së martës dhe rrezikoi të marrë përmasa më tragjike gjatë tentativës së vëllait tre vite më të madh për ta shpëtuar 10-vjeçarin, por nuk ia arriti, duke rrezikuar dhe vetë jetën.
APELI Familjarë dhe të afërm të të miturit i kanë bërë apel shtetit që të ndihmojë në gjendjen e trupit.
“Ishalla do Zoti gjendet, por shteti të marrë masa, jo 5 policë, po nja 30, se lumi është shumë i fortë, merr përpara dhe makinën”, tha pak ditë më parë Fatmir Ndreca, daja i fëmijës.
