Policia e Pogradecit njofton se ditën e sotme është paraqitur një shtetase 74-vjeçare në spitalin rajonal. Raportohet se e moshuara dyshohet të jetë përplasur nga një mjet i cili është larguar nga vendngjarja. Uniformat Blu po punojnë për kapjen e autorit
Pogradec/Informacion paraprak
Më datë 04.09.2022, rreth orës 10:25, në Spitalin e Pogradecit, ka mbërritur shtetasja V. P., rreth 74 vjeçe, e cila dyshohet të jetë aksidentuar në rrugë nga një automjet në qytetin e Pogradecit, i cili më pas është larguar nga vendngjarja.
Kjo shtetase aktualisht ndodhet nën kujdesin e mjekëve. Grupi hetimor po punon për identifikimin dhe kapjen e drejtuesit të mjetit si dhe për zbardhjen e shkaqeve të aksidentit.
