BRITANI E MADHE- Ionela Gherghisan vuan ende pasojat e bashkësortit të saj, Koçi Selamaj, i cili vrau pa asnjë motiv mësuesen Sabina Nessa. Në një intervistë për Dailymail, 45-vjeçarja tha se nuk e kishte imagjinuar kurrë që Selamaj, 36 vjeç, do të vazhdonte të kryente një krim kaq të tmerrshëm.

Gherghisan, e cila jetonte në Eastbourne, East Sussex, me Selamajn, por tani është kthyer në vendlindjen e saj, Rumani, duke shtuar se ishte e pikëlluar për dhimbjen e familjes Nessa. Nëna e një fëmije tha për Daily Mail: Është shumë e vështirë për mua të gjej fjalët për t’i thënë familjes së Sabinës, sepse jam po aq e tronditur nga ajo që bëri ai sa edhe ata. Edhe unë kam një vajzë 26-vjeçare dhe mund të kuptoj dhimbjen e tyre. Kam shumë dhimbje në zemër dhe ndihem shumë e vetmuar pa asnjë ndihmë. Më vjen shumë keq që kaq shumë njerëz u lënduan për shkak të tij. Nuk e kam besuar kurrë se ai ishte në gjendje të vriste.

45-vjeçarja nga Rumania, një pastruese dhe një ‘bellydance-er’ me kohë të pjesshme, tha se me kalimin e kohës Selamaj u bë i dhunshëm, ndaj dhe ajo u kthye në shtëpinë e familjes së saj gushtin e kaluar.

“Ishte një kohë kur kisha frikë të rrija në të njëjtën shtëpi me të se kisha frikë për jetën time. Ai u përpoq të më mbyste tre herë, por hera e fundit ishte kur u tmerrova shumë. Ai erdhi në shtëpi nga puna dhe më vuri duart në qafë, duke më bërtitur, ‘Pse nuk u përgjigje në telefon?’ Pastaj iku nga shtëpia, por nuk kërkoi falje. Unë isha viktima e tij e parë, por diçka e ndaloi të më vriste,”– tha Gherghisan.

Më pas, ajo tregon herën e fundit që e pa, pikërisht ditën e vrasjes.

“Pashë një shishe alkooli në makinën e tij dhe ndjeva erën e tij në frymën e tij. Ai nuk ishte i dehur, por sillej shumë çuditërisht. Ai u përpoq të bënte seks me mua në makinën e tij në parkingun e makinave, por unë thashë jo, kështu që ai u largua dhe unë u ktheva në punë. Atë ditë kishte vrarë Sabrina Nessën. Një natë para arrestimit e takova sërish. Ai ishte në telefon dhe ishte i kthjellët – nuk la të kuptohet se çfarë kishte ndodhur. E vetmja gjë që ishte e çuditshme ishte se ai kishte këpucë të reja, dhe ai rrallë i ndërron këpucët. I blen të reja vetëm kur i prishen ato që ka.”

Çifti u martua në nëntor 2018 pas shumë presioneve nga Selamaj, pasi vetëm ashtu ai do të merrte lejen e qëndrimit për në Angli.

“Ai u martua me mua për letra. Më tha në mënyra të ndryshme. Mbaj mend që nëntë muaj pasi filluam një lidhje, ai më bëri presion për martesë, duke thënë se nëse e doja, duhej të martohesha me të. Ai ishte gjithmonë në ankth dhe i shqetësuar se mund të dëbohej nga Anglia. Dhe unë rashë dakord që ai të ishte i qetë. Unë e doja atë.”

Selamaj e ndaloi Nessa-n në një park në Kidbrooke, në jug-lindje të Londrës dhe nisi ta sumonte fizikisht. Pamjet e kamerave të sigurisë kanë pikasur shqiptarin që mbante në dorë diçka të gjatë fosforeshente, mjet me të cilin goditi deri në vdekje 28-vjeçaren. Trupin ia mbuloi me gjethe dhe më pas u largua për tu fshehur. Sabina Nessa u gjet më 18 shtator e pajetë. Marrë nga Dailymail