Më herët gjatë ditës publikuam një lajm në lidhje me një ngjarje aspak të këndshme në Himarë. Në një video të publikuar në media dy të rinj shqiptarë po sulmonin një turist me ngjyrë ndërsa ky i fundit tenton të largohet. Burime për JOQ ALBANIA bëjnë me dije se turisti në fjalë quhet Lulu, merret me hitchhiking (autostop) dhe ndodhet në Shqipëri për të eksploruar vende të reja, por që u përball me një situatë të papritur.

Gjatë ndalesës së tij në Himarë dy shqiptarët në video tentuan t’i shisnin turistit marijuanë, por kur ky i fundit i refuzoi ata e sulmuan. Lulu shprehet se fatmirësisht është mirë tani, por që me sulme të tilla është përballur edhe më parë vende të tjera që ka vizituar. Ndërkohë Lulu ka vizituar disa vende në Shqipëri dhe ka mbetur shumë i kënaqur ndërsa ka mësuar edhe disa fjalë shqip.