Burime të zbulimit të Ukrainës konfirmuan se një cisternë ruse u kap sot në portin ukrainas të Izmailit për përfshirje të dyshuar në një aksident në muajin nëntor në ngushticën e Kerch, incident që u pasua me sekuestrimin e tre anijeve ukrainase nga ana e Rusisë.
Kremlini më 25 nëntor bllokoi tre anijet dhe arrestoi 24 marinarë ukrainas, në ujërat që ndajnë Krimenë nga Rusia.
Shërbimet sekrete të Ukrainës thanë se anija “Nika Spirit” u identifikua dhe u sekuestrua në portin e Izmailit.
Në muajin nëntor anija lundronte nën emrin Neyma, por sipas Kievit është e njëjta anije që kishte bllokuar kalimin e dy anijeve të Ukrainës ngushticën e Kerch.
Përgjigjja e Moskës ka qënë e menjëhershme, duke e quajtur veprimin “absolutisht të paligjshëm”.
