Regjistrimi në universitete do të nisë në fund të korrikut dhe të tre raundet do të aplikohen në U-albania. Ministrja e Arsimit, Besa Shahini ne nje konference per median njoftoi pezullimin e rritjes së notës mesatare për pranimet në disa degë të Universitetit, ndërsa është hequr nota mesatare për artet dhe Sportet.
“Për shkak të pandemisë është pezulluar për një vit rritja e vazhdueshme të notës për të gjitha programet në mësuesi. Kjo do të aplikohet vitin tjetër, ndërkohë këtë vit nota mesatare do të jetë 7.5. Për degët e gjuhëve të huaja është zbritur në 7 nota mesatare. Vitin tjetër do të vijojmë me rritjen e notës mesatare” – Është hequr nota mesatare për degë të zbatuara në talent, Artet dhe Sportet.
-Është hequr nota mesatare për pranimet e studentëve nga trojet shqiptare jashtë Shqipërisë. Kriteret për të pranuar këto studentë i vendos vetë Universiteti, jo ministria e Arsimit Regjistrimi Në fund të korrikut hapet faza e parë e regjistrimit. Këtë vit do të jenë të tre raundet e regjistrimit në portalin U-albania. Kushdo që regjistrohet nga universiteti jashtë këtyre tre raundeve nuk merr numrin e matrikulimit.
Kush përfiton bursa Studentët në institucione të arsimit të lartë publik -Do të ketë përgjysmim i tarifave për studentët që kanë mbajtur mesataren mbi 6 Bursa përfitojnë studentët me notë 9 dhe 10 dhe studentët e familjeve në nevojë.
