Autobusët duket se janë kthyer varta kryesore e të infektuarve me Covid-19. Gjatë një vëzhgimi që Ora News bëri u konstatua që të shumtë ishin udhëtarët që ishin pa maska, duke mos respektuar as distancimin social. Me dhe pa maska, qytetarët duket se janë neglizhentë sa i përket rrespektimit të masave anti-Covid.

Transporti urban duket së është vatra kryesore e infeksionit me Covid-19, pasi rregulli i shkruar për distancim prej 1.5 m nuk zbatohet, duke alarmuar personat që respektojnë masat. Qytetarët ngrenë alarmin, ndërsa thonë se neglizhenca e personave që e kanë për detyrë të kontrollojnë masat i ka bërë njerëzit neglizhentë.

“Kontrolle për maskat nuk ka. E nënvlerësojnë.” “Autobusat janë plot, nuk ka distancë. Na ruajt Zoti të mos marrim ndonjë sëmundje!” “Më shumë e respektojnë të vjetrit këtë punën e maskave se të rinjtë janë më neglizhentë, sikur nuk ja kanë frikën”. Në një kohë që autoritettet kërkojnë respektimin e masave anti-Covid duket se neglizhencave e të gjithë palëve ka bërë që të kemi një rritje të numrit të prekur me armikun e padukshëm Covid-19.