Pas dramës ‘Karriget’ kthehemi te roli i vërtetë për të cilin na ka votuar qyteti, atë që siguron gjithnjë spektator, te punët për Vlorën thot kryebashkiaku Dritan Leli.
Projekti që nisëm pak kohë më parë dhe që vijon të jetë në proces, për pastrimin e Pyllit të Sodës “Valore Green”, me partner Bashkinë e Milanos, Universitetin Politeknik të Milanos dhe Celim Milano ishte garancia që na duhej për të vijuar me projekte e bashëpunime të tjera në dobi të zhvillimit të Vlorës.
U fokusuam gjatë takimit sot në projektin për mbrojtjen e terreneve, përmes ndërtimit të digave të vogla që jo vetëm do të drejtojnë ujrat e Vjosës për të mos dëmtuar terrenin nga erozioni dhe përmbytjet e zonës ku do të ngrihet aeroporti i Vlorës, por edhe do ta pastrojë atë nga plastika që përfundon në det. Shpresoj që takime si këto të sjellin produktin më të mirë që duhet t’i japim Vlorës.
