Kreu i qeverisë Edi Rama ka komentuar për herë të parë infektimin me koronavirus të kryebashkiaku të Tiranës Erion Veliaj. Gjatë inspektimeve të zonave të rindërtimit në Lezhë, Rama ka kërkuar nga punonjësit që të ruajnë distancën nga ambientet e jashtme, ndërsa në ato të brendshme të mbajnë maska.
Në lidhje me Veliajn, Rama u shpreh se e ka mbajtur në distancë dhe se shpreson që të mos ia ketë lënë atij ‘stafetën’. “Distancë në ambientet e jashtme dhe maskat në ambientet e brendshme dhe jeni në rregull.
Edhe Lali Erin në distancë e kam mbajtur, ishallah po e kalon lehtë ai dhe s’ma ka lënë mua stafetën”, tha Rama duke qeshur.
