Një tjetër ngjarje e rëndë ka ndodhur në Velipojë, pas masakrës me katër të vrarë. Mësohet se ka shpërthyer një bombol gazi në një banesë, duke bërë që zjarri të përfshijë pjesëtarët e familjes.
Nga zjarri janë dëmtuar tre gra dhe një fëmijë, të cilët kanë pësuar djegie të konsiderueshme dhe ndodhen në gjendje të rëndë.
Mësohet se të lënduarit janë transportuar drejt Spitalit Rajonal të Shkodrës, ndërsa priten informacione të tjera në vijim mbi gjendjen e tyre shëndetësore.
Ndërkohë nga shpërthimi i bombolave ndodhen në gjendje të rëndë anëtarët e familjes Gjoka, Klarisa 15 vjeç, Danjela 19 vjeç, Enrik 12 vjeç dhe Alketa Gjoka 40 vjeç.
Ngjarja e rëndë ka ndodhur mëngjesin e kësaj të diele, në momentin që është ndezur një bombol e vogël për të bërë kafen.
