Kryeministri Edi Rama, përmes një postimi në rrjetet social, ka njoftuar se qeveria shqiptare ka miratuar më shumë se 5191 paga lufte për punonjësit e transportit rrugor të udhëtarëve dhe të larguarit nga puna për qershorin 2020. Rama bën të ditur se do jetë jetë Drejtoria e Përgjithshme e Shërbimeve të Transportit Rrugor që do të mbulojë efektin financiar prej 134,966,000 lekë. “Falë mirëadministrimit, rezultateve rekord të 2019-ës dhe përgjegjësisë shembullore sociale të DPSHTRR-së, mundësohet mbështetja e dytë për sivjet nga DPSHTRR për sektorin e transportit të udhëtarëve me autobus (pas kompensimit të taksës vjetore TVMP)”, përfundon Rama, njoftimin e tij.
Postimi i plotë: SOLIDARITET për sektorin e Transportit Rrugor të Udhëtarëve për lehtësimin e pasojave nga vonesa e detyruar e nisjes së aktivitetit në muajin qershor
QEVERIA SHQIPTARE miraton: +5,191 Paga Lufte për punonjësit dhe të larguarit nga puna për Qershorin 2020!
Efekti financiar prej 134,966,000 Lekë mbulohet nga fondi rezervë i DPSHTRR!
Falë mirëadministrimit, rezultateve rekord të 2019-ës dhe përgjegjësisë shembullore sociale të DPSHTRR-së, mundësohet mbështetja e dytë për sivjet nga DPSHTRR për sektorin e transportit të udhëtarëve me autobus (pas kompensimit të taksës vjetore TVMP). #ShqipëriaQëDuam
