Sipas një analize të bërë nga “Instituti i Klimës” me qendër në Kaliforni, rezulton se temperatura të larta pothuajse gjatë gjithë verës u regjistruan gjatë 4 muajve.
Rekordet u arritën në 29 vende për periudhën nga 1 Maji deri më 30 Gusht të këtij viti. Një e treta e temperaturave të larta gjatë gjithë kohës, u regjistrua në Gjermani, e ndjekur më pas nga Franca dhe Holanda.
Gjatë gjithë verës kishte rreth 1200 raste të vendeve në hemisferën veriore që regjistruan temperatura më të larta se normalja.
Valët e nxehtësisë në Qershor dhe Korrik sollën një rritje të temperaturave duke regjistruar rekorde lokale dhe kombëtare. Franca regjistroi temperaturën më të lartë të të gjitha kohërave prej 46 gradë Celsius.
Sipas shkencëtarit Robert Rohde, kjo verë ishte e dukshme për temperaturat më të larta të regjistruara ndonjëherë.
Në Japoni, ku rreth 11 persona humbën jetën për shkak të temperaturave të larta, u vendosën 10 rekorde të reja, më të lartat të arritura ndonjëherë.
Korriku i këtij viti ishte muaji më i nxehtë i regjistruar ndonjëherë në të gjithë botën.
Sipas shkencëtarëve, këto janë shenja që tregojë se Toka po përjeton një ngrohje aspak normale. Sipas tyre, vala e nxehtë e Korrikut erdhi edhe si pasojë e ndryshimit të klimës të shkaktuar nga njeriu.
