Mbrëmjen e sotme një 47-vjeçare nga fshati Tapi në rrethin e Kuçovës, i ka dhënë fund jetës duke pirë fostoksinë. Raportohet se Lulzime Mema, nëna e 3 fëmijëve, dy vajzave dhe një djali, ka qenë e vetme në banesë në momentin që ka pirë lëndën helmuese. Ishte djali i saj që e gjeti nënën në gjendje të rëndë shëndetësore.
Ajo është transportuar drejt Spitalit Rajonal të Beratit, ku megjithë ndërhyrjen e mjekëve, ka ndërruar jetë 30 minuta më vonë. Para ndarjes nga jeta gruaja ka deklaruar se helmin e kishte blere vetë sot dhe e kishte pirë me vetëdije të plotë.
