Një tjetër video dramatike ka mbërritur në redaksinë e “BalkanWeb”, ku një qytetar i ndodhur nën rrënoja arrin të komunikojë me punonjësit e kërkim-shpëtimit. Në videon e rëndë që sjell “BalkanWeb” dëgjohet zëri i mekur i qytetarit, i cili pyet sa njerëz kanë ardhur për ta shpëtuar.
Në momentin që punonjësi i thotë se janë me mijëra njerëz jashtë, ai pyet me gjysmë zëri se pse nuk ia heqin ato që ka mbi trup.
Qytetari: Sa njerëz janë përjashtë?
Punonjësi: Janë me mijëra, kanë ardhur të të shpëtojnë ty.
Qytetari: Po pse s’i kapni t’i ngrenë në krah këto?
Punonjësi: Po vetëm unë kam hyrë brenda o shok.
(Marrë nga BalkanWeb)
