Romeo Meçaj, 33 vjeç, ka mbetur i plagosur rëndë në Vlorë si pasojë e të shtënave me armë zjarri, shkruan newsbomb.al. Ai është qëlluar me breshëri kallashnikovi teksa parkonte makinën në afërsi të “Pallatit të Sportit” në qytetin bregdetar.
Patrullat sapo morën njoftim shkuan me shpejtësi në vendngjarje. Edhe pse autorët ishin larguar, efektivët e Vlorës kanë bërë një gjest heroik, i cili ka qenë vendimtar për jetën e 33 vjeçarit. Duke qenë se ambulanca po vonohej, ata e kanë nxjerr nga makina Romeo Meçajn dhe e kanë dërguar në spital me makinën e patrullës.
