Autobusi i fushatës së kryetarit të Bashkisë së Stambollit Ekrem Imamoglu, u sulmua teksa ai mbante një fjalim në bastionin konservator të Erzurumit, përpara zgjedhjeve të 14 majit.
Imamoglu po mbante një fjalim nga autobusi, kur u detyrua të hynte brenda për t’u mbrojtur dhe më pas të largohej.
Imazhet në mediat sociale treguan se policia përdori ujë për të shpërndarë një grup njerëzish që vrapuan pas autobusit duke hedhur gurë. Mediat turke raportojnë se të paktën shtatë persona kanë marrë lëndime të lehta.
Imamoglu, i cili po bën fushatë në emër të liderit të opozitës laike Kemal Kilicdaroglu, e quajti ngjarjen një provokim dhe kërkoi shpjegim nga zyrtarët lokalë.
Provinca kontrollohet nga partia me rrënjë islamike e presidentit Rexhep Tajip Erdogan. Incidenti tregoi tensionet rreth votimeve parlamentare dhe presidenciale të së dielës së ardhshme.
Kryebashkiakut popullor të Stambollit i është premtuar një post zëvendëspresident nëse Kilicdaroglu fiton.
Istanbul mayor Imamoglu’s rally has been attacked by some people who threw rocks at him.
He is leaving the city
— Ragıp Soylu (@ragipsoylu) May 7, 2023
