Një dekor i veçantë dhe mbresëlënës i ka dhënë qytetit të gurtë të Gjirokastrës një bukuri magjepsëse për festat e fundvitit. I ndriçuar nga dritat festive sidomos në qafën e Pazarit, që këtë vit pas restaurimit është shndërruar në pikën më tërheqëse të qytetit, qytetarët gjirokastritë të të gjitha moshave po kalojnë mbrëmjet festive mes aktiviteteve të shumta të organizuara nga bashkia.
Kryetari i bashkisë së Gjirokastrës, Flamur Golemi, ka zgjedhur një urim të veçantë për qytetarët gjirokastritë për Vitin e Ri 2020. Me një këngë të përgatitur nga fëmijët e Qendrës Kulturore të Fëmijëve “Fato Berberi” në Gjirokastër, Golemi i uron të gjithë qytetarët “Gëzuar për shumë vjet”. “Një urim për Vitin e Ri nga Qendra Kulturore e Fëmijëve “Fato Berberi” në Gjirokastër, e cila ka përgatitur këtë këngë së bashku me Gentian Selfon”, shkruan Golemi.
