Nisin punimet për projektin ” Lidhja e Rr. Trasballkanike – Porti Vlorës”, projekti parashikon shembjen e 33 objekteve.
IMT ka nisur aksionin e prishjes se objekteve që ndodhen midis rrugës Transballkanike dhe Portit Detar në Vlorë.
Këto objekte preken nga realizimi i projektit “Lidhja e Rrugës Transballkanike me portin detar”.
Në janar të këtij viti Këshilli i Ministrave miratoi shpronësimin me interes publik, të pronarëve të pasurive të paluajtshme, pronë private, që preken nga realizimi i projektit. Vlera e përgjithshme e shpronësimit prej 182 020 370.86 lekësh përballohet nga buxheti i shtetit, kurse Agjencia Shtetërore për Shpronësimin kryen procedurat për likuidimin e pronarëve të shpronësuar.
