Categories Lajme

Video/Momenti kur policia e Vlorës kap autorin e ngjarjes së rëndë në Kotë

Policia identifikon dhe kap në kohë rekord autorin e vrasjes së 64-vjeçarit, ndodhur në fshatin Kotë të Selenicës.

Arrestohet pas afro një ore ndjekje, autori i dyshuar, 44-vjeçari nga fshati Gumenicë.

Në fshatin Kotë, rreth orës 14:55, në hyrje të një lokali, dyshohet se shtetasi Admir Delaj ka qëlluar me armë gjahu shtetasin F. H., 64 vjeç, banues në fshatin Gumenicë, i cili ka humbur jetën.

Policia e Vlorës dhe e Selenicës, me të marrë njoftim për ngjarjen, kanë shkuar menjëherë në vendngjarje ku kanë identifikuar autorin e ngjarjes shtetasin Admir Delaj i cili pas vrasjes ishte larguar menjëherë me automjetin e tij.

Forcat e Policisë u vunë në ndjekje të autorit ku pas afro një orë ndjekje, u bë e mundur kapja e tij, në dalje të banesës në fshatin Gumenicë ku kishte mbyllur mjetin dhe po tentonte të largohej.

Nga hetimet paraprake të kryera dyshohet se ngjarja ka ndodhur nga një konflikt i çastit, pasi dy shtetasit e mësipërm kanë konsumuar pije alkoolike bashkë disa minuta para se të ndodhte ngjarja.

Grupi hetimor ka sekuestruar në cilësinë e provës materiale armën e krimit (armë gjahu “Çifte”), si dhe automjetin me të cilin u largua nga vendi i ngjarjes (Fuoristradë Benz ML).

Gjithashtu nga kontrolli i ushtruar në banesë është gjetur dhe sekuestruar edhe një armë tjetër gjahu tip “Çifte” e cila nuk ka lidhje me ngjarjen, por rezulton pa lejen përkatëse.

Grupi hetimor i kryesuar nga Prokurori po vijon punën për zbardhjen e plotë të rrethanave të ngjarjes.

Materialet në ngarkim të shtetasit Admir Delaj, në përfundim të veprimeve të para hetimore do ti kalojnë Prokurorisë së Rrethit Gjyqësor Vlorë për veprime të mëtejshme për veprën penale “Vrasje me dashje”.

 

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

‘Metamorfoza’, arrestohet vëllai i Enver Stafukës, të rrëmbyerit dhe të zhdukurit në 2015

Policia e Shtetit ka arrestuar edhe Naim Stafukën, pjesë e operacionit “Metamorfoza” ku me kërkesë…

LEXO ME SHUME
Categories Lajme

Media italiane: Rërë e butë, ujë i kristaltë dhe peizazhe që të lë pa frymë i shijoni në plazhet e Shqipërisë

Media italiane “Skyscanner” ka vlerësuar plazhet e Shqipërisë duke ftuar turistët që t’i kthejnë sytë…

LEXO ME SHUME
Categories Lajme

Marrëveshja për pensionet me Italinë: Ja si bëhet llogaritja e kontributeve

Ratifikimi i marrëveshjes së rëndësishme për pensionet me shtetit italian ishte tema e ditës në…

LEXO ME SHUME
Categories Lajme

Kapet 27-vjeçari që kultivoi kanabis në pyll

Një 27-vjeçar me iniciale A.B. në fshatin Rehovë të Skraparit u arrestua për kultivim të…

LEXO ME SHUME
Categories Lajme

Kallëzohet shefi i Komisariatit të Lezhës, Dyshohet se ngacmoi agjenten e krimeve

Kallëzohet për ngacmim seksual shefi i Komisariatit të Lezhës Agim Hoxha. Dyshohet se Hoxha ka…

LEXO ME SHUME