Në qendër të Vlorës pa asnjë pikë uji, lagjia “Qeriba Derri”. Rruga e cila u shtrua gjatë muajit të fushatës ka lënë pa ujë dhjetra familje. Dëmtimi i tubacionit të ujësjellësit, banorët thonë se kanë gati 2 vite që skanë ujë, ndërsa shtrimi i rrugës u ka dëmtuar totalisht tubacionet.
E në këto kushte banorët, të detyruar të përdorin ujin e ndotur të pusit thonë: Marrim ujë në pus, uji është me krimba, krimbat të dukshme… Po sëmuremi, skemi ujë as 9ër në tualet. Gjatë fushatës na thanë se do na sillnin ujin… Muajt e thatë të verës janë ende para, e në këto kushte jetesa e këtyre banorëve pritet të vështirësohet edhe më shumë. Ndërsa nga Bashkia nuk ka ende një dritë jeshile për ardhjen e ujit.
“Ne kemi gati 7-8 vite që vuajmë për ujë, për të marrë votat kryetari i bashkisë më ka ardhur 3 herë në shtëpi, më ka marrë dhe numrin e telefonit, i kërkoj ujë për të larë shtëpitë dhe banjot.
Ujin e pusit ne e përdorim për të larë oborrin, se është me krimba. Qëkur filloi rruga shkatërruan tubat e ujit. Dhe nuk kemi që prej 2-3 vitesh. Fjala e parë që na thanë në fushatë ishte që do të na zgjidhnin problemin e ujit. Edhe për t’u larë blejmë ujë me bidona në Pazar”, shprehet një prej banorëve, ndërsa një zonjë, e tregon për gazetaren e Fax News, Afrovita Hysaj:
Kemi rreth dy vite që nuk na vjen pikë uji, e kam mbyllur dhe kontratën, se më kishin hedhur kot faturistët, jemi pa pikën e ujit. Nuk ja dalim dot me të blerë por çfarë të bëjmë? Na dërgojnë ndonjë gjë fëmijët.
