Shiu pa pushim e kanë rikthyer edhe një herë brenda pak ditësh pamjen e një Venecia të vogël. Në park u investuan plot një miliard lekë nga bashkia e Tiranës por hapësirat mes kodrave të e krijuara në këtë park kthehen më pellgje të mbushura me ujë, sa herë bie shi. Një pamje aspak e këndshme për qytetarët e Tiranës të cilët nuk e shihnin asnjëherë parkun me pellgje uji para investimit me fondin miliardë lekë.
Para pothuajse një viti bashkia hapi tenderin me objekt “Rehabilitimin e parkut Rinia” me vlerë 78.705.775 leke pa TVSH. Me gjithë vlerën e TVSH ky prokurim i fituar nga kompania Agikons arrin vlerën e një miliard lekëve. Me përjashtim që në këtë park u shtuan disa kodrina me dhe, si edhe disa lodra për fëmijë, nuk dihet se çfarë ka kushtuar kaq shumë sa për të plotësuar vlerën një miliard lekë. Dhe dyshimet shtohen kur sheh se kush është rezultati përfundimtar. Skandali u bë edhe më i madh, kur u konstatua se punën që duhet të kryente kompania Agikons si fituese e këtij tenderi, në fakt e kryenin punonjësit e ndërmarrjes së pastrim gjelbërimit të bashkisë së Tiranës, vetëm për një qëllim që të arrinte të hapet në një qershor.
