Pamjet e shtëpisë ku bëhej përpunimi i morfinës me përzierës për të prodhuar heroinë janë publikuar nga policia mesditën e sotme. Në videon që u shpërnda për gazetarët janë fillimisht pamjet e laboratorit dhe të drogës së sekuestruar dhe më pas filmimet që iu janë bërë dhjetëra të arrestuarve. Fytyrat e të prangosurve janë fshehur dhe në video nuk janë pamjet e ish deputetëve socialistë Arben Ndoka dhe Arben Çuko, që po mbahen në qelitë e Drejtorisë së Policisë së Tiranës, me të arrestuarit e tjerë.
