Vila ekskluzive londineze e Tamara Eccleston është zbrazur ditën e premte, pak orë pas nisjes për pushimet e Krishtlindjeve të vajzës 35 vjeçare të manjatit Bernie Ecclestone, padroni historik i Formula 1. Grabitësi/t, sipas tabloidit ‘The Sun’, kanë përfituar 50 milionë sterlina, rreth 60 milionë euro. Hajdutët kanë arritur të hyjnë në banesë, pavarëissht se vila super e shtrenjtë në lagjen Kensington ruhet 24 orë në 24.
Mega rezidenca prej 70 milionë paundësh e Tamara Ecclestone ndodhet në një nga rrugët më elegante të kryeqytetit anglez dhe përbëhet nga 57 dhoma. Aksioni ka zgjatur 50 minuta dhe Ecclestone, sipas tabloidit, është ‘tërësisht e rrënuar dhe në gjendje shock-u’.
Hajdutët, tre, sipas disa dëshmive, kanë hyrë në vilë nga kopshti dhe kanë zbrazur të gjitha kasafortat e fshehura në dhomën e gjumit të Ecclestone. Më pas janë detyruar të arratisen për të mos u zbuluar nga njëri prej rojeve të sigurisë që gjendej brenda vilës.
