Një 27-vjeçar nga Laçi është arrestuar pasi nën kërcënimin e thikës iu grabiste qytetarëve në Tiranë sende me vlerë dhe para.
Autoritetet bëjnë me dije se është vënë në pranga i riu me iniciale T. S. banues në Laç, i cili është kapur në flagrancë nga Forcat e Posaçme “Shqiponjat”, mbrëmjen e djeshme, në bulevardin “Gjergj Fishta” duke tentuar të vjedhë me dhunë sendet me vlerë një qytetareje.
Por nga hetimet e kryera dhe pronat e siguruara pas arrestimit, rezulton se 27-vjeçari është autor edhe i dy ngjarjeve të tjera, “i vjedhjes me dhunë nën kërcënimin e thikës të një shume parash dhe disa sendeve me vlerë të shtetases E. I dhe tentativës së vjedhjes së sendeve me vlerë të shtetases M. H”, njofton policia
