Situata në Vlorë prej tre ditësh vijon të mbetet e vështirë pasi dëmtimi i rëndë i një tubacioni në rrjetin e ujësjellësit ka lënë qytetin pa ujë për 3 ditë. Prova e kryer nuk ka dhënë sukses ndaj synohet që të gjendet zgjidhje sot për të kthyer furnizimin me ujë.
Kreu i ujësjellësit Vlorë, Ermal Murati ka theksuar se prova e kryer një dite më parë nuk ka dhënë sukses ndërsa po vijohet të punohet teksa po bëhen përpjekje maksimale qe sot pasdite të ketë furnizim me ujë në qytet. Për institucionet e rëndësisë së veçante janë gjetur zgjidhje alternative Tubacioni i dëmtuar është me diametër 1 mije mm, shumë i rëndësishëm për qytetin ndërsa është një investim që është kryer në vitin 2009-2010. Prej tre ditësh Vlora vijon të mbetet pa ujë, një situate mjaft problematike ne qytet.
